Hierdie vir Vicky Hefer geskryf
Alleen sit ek buite en verlang
Na my mooie meisiekind
Saggies val die winter reen
Saggies huil ek saam die wind
Ek mis haar mooi blonde hare
Haar wange so rooi en so sag
Daai blou sagmoedige ogies
En daai pragtige somer glimlag
Want sy was ons blomme meisiekind
Soos n nagtegaal het sy gesing
En oral waar sy gegaan het
Het sy vrede en liefde gebring
Oor andere het sy haar altyd ontferm
Haar hartjie so sag en so teer
En as iemand ooit seergekry het
Dan was haar kleine hartjie ook seer
Klein kindertjies het sy help versorg
En onder haar vlerkie geneem
Maar nou is ons kleine “Sweetface” weg
Ons lewens so leeg en so leem
Jy sit in die hemel by God se voet
En sien hoe ons oor jou treur
En eendag as ons ook Hemel toe kom
Dan sien ons ons “Sweetface” weer
DEUR HANNES NOLAN